ОшМПУда УЛУТТУК НАРК ЖӨНҮНДӨ ТЕГЕРЕК СТОЛ ӨТТҮ

Бүгүн Ош мамлекеттик педагогикалык университетинде “Улуттун жүзү – улуттук нарк” аталышында тегерек стол өткөрүлдү.

Иш-чара окуу жайдын Кыргыз-Россия факультети тарабынан уюштурулуп, ага аталган факультеттин деканы Айдың Токтосунова баштаган окутуучулар жамааты жана студенттер катышты.

Тегерек столдун жүрүшүндө факультеттин кыргыз тили жана адабияты, орус тили жана адабияты кафедрасынын окутуучулары улуттук наркка болгон кыргыз кенинин казынасын ачып, баалуу пикирлери бөлүшүп, нарк куржундан кеп козгошту.

Мында алар катышуучуларга нарктуу ойлор, кыргыз айымы, мугалим, осуят, адам баркы, ата-эне, ниет, дос, манасчылар, шакирттер, ак элечек сыяктуу түрдүү темалардын алкагында баяндама жасашып, кызуу талкуу жүргүзүлдү. Бул менен бирге саамалыктын алкагында таланттуу студенттер тарабынан манас айтылып, обондуу ырлар жаңырды.

Белгилей кетсек аталган иш-чара окуу жайдын 100 жылдыгына карата жана КР Президентинин “Улуттук нарк” жөнүндөгү 2022-жылдын 20-майындагы №157 жарлыгынын негизинде кабыл алынган 2022-2027-жылдарга “Улуттук наркты сактоо жана өнүктүрүү” жөнүндөгү улуттук программасынын алкагында уюштурулган.