СТУДЕНТТЕР АРАСЫНДА ЭССЕ ЖАЗУУ СЫНАГЫ

Бүгүн Ош мамлекеттик педагогикалык университетинде студенттерге арналган эссе жазуу сынагы өтүп жатат.

Иш чара окуу жайдын Аялдар кеңеши тарабынан уюштурулуп, ага окуу жайда билим алып жаткан эссе жазууга кызыккан бардык студенттер катышууда.

Саамалык Кыргыз Республикасынын Президенти Садыр Жапаровдун "Азыркы кыргыз мамлекеттүүлүгүн түптөгөн аталар жөнүндө" жарлыгына ылайык жана окуу жайдын 100 жылдыгына карата уюштурулуп, мамлекеттүүлүктү түптөгөн аталардын элесин түбөлүккө калтыруу, алардын жасаган эмгегин сыймыктануу сезими менен кабыл алуу максатын көздөйт.

Сынактын жобосуна ылайык кабыл алынган эсселер анын логикалуулугу, көркөм сөз каражаттарынын туура колдонулушу, фактылар, мисалдар жана цитаталардын берилиши, негизги ойлорлун жыйынтыкталышы, граматикалык жана лексикалык жактан тууралуулугу, окурман үчүн түшүнүктүүлүгү, теманын маанилүүлүгү сыяктуу критерийлерге карап бааланат.

Жеңүүчү деп табылган студенттер алдыда окуу жай жетекчилиги тарабынан баалуу белектер менен сыйланат.