Япон профессору Сайдзё Юто ОшМПУда семинар өттү

Япон профессору Сайдзё Юто ОшМПУда семинар өттү

Бүгүн Ош мамлекеттик педагогикалык университетинде Япониянын Хиросима университетинин профессору Сайдзё Юто семинар өттү.

Иш-чара окуу жайдын Ош-Жапон борбору жана мектеп мугалимдердин квалификациясын жогорулатуу, ЖОЖго чейинки даярдоо жана  үзгүлтүксүз билим берүү бөлүмү тарабынан уюштурулуп, ага университеттин окутуучулары жана Араван, Ноокат, Кара-Суу, Өзгөн райондорунун мектеп мугалимдери катышты.

Алгач  саамалыкты университеттин ректору Бекмурза Зулуев ачып берип, катышуучуларга ийгиликтерди каалап өттү. Мында Хиросима университетини Эл аралык жогорку билим берүү институтунун доценти Сайдзё Юто катышуучуларга Япониянын “Лессон Стади” (Lesson Study) методикасы боюнча кеңири маалымат берди.

Ошондой эле  лектор аталган методиканын Япония жана башка өлкөлөрдөгү өнүгүүсү, бул методиканы Кыргызстанга да  киргизүү жана аны өнүктүрүү боюнча бир топ  маселелер менен бөлүшүп өттү. Жыйынтыгында  окуудан өткөн ар бир катышуучуга сертификаттар тапшырылды.