Жазаларды аткаруу мекемесинин кызматкерлерине семинар уюштурулду

Бүгүн Жазаларды аткаруу кызматынын 25-мекемесинин өздүк курамына Ош мамлекеттик педагогикалык университети тарабынан семинар өткөрүлдү.

Семинарды университеттин Мамлекеттик тилди өнүктүрүү борборунун башкы адиси Бектур Исамидин уулу өтүп, ага Кыргыз Республикасынын Министрлер Кабинетине караштуу Жазаларды аткаруу кызматынын 25-мекемесинин кызматкерлери катышты.

Иш чарада кыргыз элинин улуттук баалуулуктары, кыргыз тилинин учурдагы абалы, аны өнүктүрүүдөгү биздин аракеттер, улутубуздун баатырлары, унутулгус урунттуу учурлардагы эрдиктер, чек арага чеп болгон атуулдарыбыздын өлкөбүздөгү орду тууралуу маалымат берилди.

Бул менен бирге “Кыргыз тилинин 5 керемети” аталышында таймаш өткөрүлүп, мында катышуучулар командаларга бөлүнүп, акыл-эс, аң-сезимди өстүрүүгө арналган тематикалык суроолорго жооп табуу менен кызуу мелдеш курушту.