ОшМПУнун студенттери Республикалык олимпиадада финалга жолдомо алышты

Ошто Жусуп Баласагын атындагы Кыргыз улуттук университети тарабынан ЖОЖдор аралык Мамлекеттик тил боюнча студенттердин республикалык олимпиадасы өткөрүлдү.

Иш-чара улуттук университеттин 100 жылдыгына, улуу акын Алыкул Осмоновдун 110 жылдыгына арналып, ага Ош, Жалал-Абад, Баткен облустарындагы жогорку окуу жайлар катышты. Катарда окуу жайдын студенттери да жигердүү катышып, Зарина Туменова "Мыкты тил билги жана көркөм окуу", ал эми Эркинай Ысманова "Мыкты котормо" номинациялары боюнча алдыңкы орундарга ээ болушту. Натыйжада студенттер 15-апрель күнү Бишкек шаарында өткөрүлүүчү финалдык баскычка жолдомо алышты. Аталган студенттерди олипиадага Кыргыз-Россия факультетинин окутуучулары Гүлбара Көлбаева жана Таттуугүл Орозалиева даярдашты.

Белгилей кетсек саамалык Кыргыз Республикасынын Президентинин 2024-жылдын 18-декабрындагы № 369 “Улуттук дем – дүйнөлүк бийиктик” уңгужолу жөнүндөгү жарлыгынын алкагында уюштурулган.