XII АЙМАКТЫК ОЛИМПИАДАДА ОшМПУ БАЙГЕЛҮҮ ОРУНДАРДЫ ЭЭЛЕДИ

Ош мамлекеттик педагогикалык университетинин студенттери жогорку окуу жайлар аралык XII аймактык студенттердин олимпиадасында байгелүү орундарга ээ болушту.

Олимпиада бул жылы Б.Сыдыков атындагы Кыргыз-Өзбек Эл аралык университетинде уюштурулуп, ага 7 жогорку окуу жайдын (ЖАМУ, ЭАУ,ИТЭИ, КӨЭУ, ОшМУ, БатМУ, ОшМПУ) студенттери катышты.

Иш-чарага окуу жайда даярдалып жаткан педагогикалык багыттагы адистиктерден 75 студент жана ага 25 жооптуу окутуучулар катышып, студенттер профилдик (кесиптик) 12 багыт боюнча, ал эми профилдик эмес 16 предметтен билимдерин сынашты.

XII аймактык студенттик олимпиаданын жыйынтыгы боюнча ОшМПУнун 3 студенти 1-орунду багындырып I даражадагы диплом менен сыйланышты. Ал эми 8 студент 2-орун, 6 студент III орунду ээлеп, II, III даражадагы дипломдорго ээ болушту.

Мында социалдык иш профили боюнча Айзат Маматова, тарых профили боюнча Т(б)-1-22 тайпасынын студенти Тилек Райев, тарых (профиль эмес) предметинен Ан-23к-1 тайпасынын студенти Айгерим Султанова, орус тили (профиль эмес) предметинен х (б)-1-24 тайпасынын студенти Сугдиёна Ахматжановалар 1-орунду багындырышты.

Белгилей кетсек кезектеги университеттер аралык аймактык XIII олимпиаданы өткөрүү эстафетасы Баткен мамлекеттик университетине берилди.