ЭЛ АРАЛЫК ПЕДАГОГИКАЛЫК КЫЗМАТТАШТЫК АРТУУДА

Андижан мамлекеттик педагогикалык институтунун ректору Бахтиёр Расулов баштаган өкүлдөр иш сапары менен ОшМПУга келишти.

Конокторду окуу жайдын ректору Бекмурза Зулуев жылуу кабыл алып, эки тараптуу сүйлөшүүлөр жүрдү. Мында педагогикалык багыттагы эки окуу жайдын алакасын арттыруу максатында бир топ иш чараларды өткөрүүнү пландап, студенттердин академиялык мобилдүүлүк программасы, окутуучулардын тажрыйба алмашуусу жана биргелешкен билим берүү программалары тууралуу баарлашышты.

Бул менен бирге ОшМПУнун 100 жылдык мааракесинин алкагында да бир топ иш аракеттерди жүзөгө ашырууну максат кылышты.

Эске салсак, февраль айында университеттин окутуучулар жамааты Андижан мамлекеттик педагогикалык институтуна барып, жакындан таанышып, конок-лекцияларды өтүп келишкен.