Кесибим — келечегим: ОшМПУда ачык эшик күнү өтүүдө

Ош мамлекеттик педагогикалык университетинде "Кесибим-келечегим" аталышында окуучуларга арналган форум өтүп жатат.

Ага ылайык алыскы райондордон келген окуучулар үчүн АЧЫК ЭШИК күнү уюштурулуп, мында университеттин ар бир факультети жана бөлүмү өзүнүн адистиктерин, жетишкендиктерин, студенттик турмушун жана билим берүү өзгөчөлүктөрүн кеңири тааныштырышууда. Бул менен бирге ар тараптан келген мектеп бүтүрүүчүлөрү окуу жайдын билим берүү, маданий, спорт тармактары боюнча маалымат алып, университеттин материалдык-техникалык базасына саякат курушууда. Алдыда иш-чара форумдун расмий бөлүгү менен уланат.

Аталган ачык эшик саамалыгы окуучуларга келечектеги кесибин туура тандоого жардам берүү, аларга жогорку билимдин мүмкүнчүлүктөрү тууралуу маалымат берүү жана окуу жайды таанытуу максатын көздөйт.