ОшМПУда окутуучулардын кесиптик өнүгүүсүнө карай кезектеги конференция өткөрүлдү

Ош мамлекеттик педагогикалык университетинде “ Ийгиликтүү карьера үчүн ХХI кылымдын көндүмдөрүн калыптандыруу” аталышында конференция өттү.

Ага инновациялык технологияларды жогорулатуу борборунун мүчөлөрү, Өзбекстан Республикасынын бир нече окуу жайларынын мүчөлөрү катышып, иш-чара GIZ Герман эл аралык кызматташтык коому менен биргеликте уюштурулду.

Конференциянын алкагында дуалдык окутуу программасын өнүктүрүү жана кеңейтүү багытында маселе, сунуштар жана идеялар айтылды. Катышуучулар заманбап билим берүүдө дуалдык окутуунун ролуна жана келечегине өзгөчө көңүл бурушуп, тажрыйба алмашуу форматында кызуу талкуу жүргүзүштү.

Жыйынтыгында курстун катышуучуларына, катарда окуу жайдын 10 окутуучусуна 72 сааттык квалификацияны жогорулатуу курсун ийгиликтүү аяктагандыгы үчүн сертификаттар ыйгарылды.