Башкыр мамлекеттик педагогикалык университетинин окутуучулары ОшМПУда сабак өтүүдө

Ош мамлекеттик педагогикалык университетинде Башкыр мамлекеттик педагогикалык университетинин окутуучулары тарабынан 36 сааттык квалификацияны жогорулатуу курстары өткөрүлүп жатат.

Иш-чара «Орус тилинин практикалык курсу» аталышында болуп, ага тиешелүү адистиктердин студенттери катышууда. Курстун алкагында студенттер орус тилин үйрөнүүнүн заманбап методдору менен таанышып, өз адистигинде тилди натыйжалуу колдонуу көндүмдөрүн бекемдөө мүмкүнчүлүгүнө ээ болууда.

М. Акмулла атындагы Башкыр мамлекеттик педагогикалык университети 2021-жылдан тартып Кыргыз Республикасында орус тилин үйрөнүүнү колдоо боюнча долбоордук иштерди жүргүзүп келе жаткан флагмандык жогорку окуу жай болуп эсептелет. Кыргыз Республикасынын Министрлер Кабинети менен Россия Федерациясынын Өкмөтүнүн ортосунда түзүлгөн келишимдин негизинде аталган университет Кыргызстанда россиялык билим берүүнүн алдыңкы тажрыйбасын жайылтуу боюнча иш алып барууда.

Курстар 2025-жылдын 8–сентябрында башталган. Алдыда 18-сентябрга чейин уланат. Жыйынтыгында катышуучуларга сертификаттар тапшырылат.