ОшМПУда БИЛИМ КҮНҮ САЛТАНАТТУУ БЕЛГИЛЕНДИ

Бүгүн Ош мамлекеттик педагогикалык университетинде жаңы окуу жылынын башталышын утурлай 1-сентябрь - Билим майрамы белгиленди.

Иш-чарага университеттин ректору Бекмурза Зулуев баштаган жетекчилик жамаат, профессордук-окутуучулук курам, студенттер жана ата-энелер катышты.

Салтанатты ректор Бекмурза Зулуев ачып берип, 1-курска кабыл алынган студенттерди алтын доордун жаңы мүчөлөрү катары куттуктады. Ал бул жылы окууга тапшырган абитуриенттер окуу жайдын 100 жылдык тарыхына дал келгенин айтып, жаңы окуу жылы өзгөчө мааниге ээ экенин белгилөө менен жаштардын билим сапарына ак жол каалады.

Иш-чара майрамдык чыгармалар менен коштолуп, катышуучуларга жагымдуу маанай тартууланды. Жыйынтыгында окуу жай менен тааныштыруу иштери жүрүп, ар бир факультетке жыйындар өткөрүлдү.