ОшМПУ жалпы шаардык ишембиликке катышты

Бүгүн Ош шаарында өткөрүлгөн жалпы шаардык ишембиликке Ош мамлекеттик педагогикалык университети да активдүү катышты.

Ишембиликтин жүрүшүндө университеттин жетекчилиги, окутуучулар, чарба кызматкерлери жана студенттер тиешелүү аймактарды иретке келтиришти. Мында Н. Исанов көчөсү менен С. Бахапова көчөсүнүн кесилишинен тартып ОшМУнун биология факультетине чейинки аралык, Ак-Буура дарыясынын жээги, жолдун эки тарабы жана арыктар таштандылардан тазаланып, жалбырактар шыпырылды. Ошондой эле университеттин ички жана сырткы аянттары иретке келтирилип, бак-дарактар сырдалды.

Жалпы ишембилик шаарды көрктөндүрүүгө салым кошуп, экологиялык тазалыкты сактоого багытталды. ОшМПУ жамааты бул демилгеге мындан ары да активдүү катышарын белгилешти.