ОшМПУнун студенти Азербайжанда өтүп жаткан III КМШ Оюндарына катышууда

Азербайжандын Гянджа шаарында III СНГ Оюндары өтүп жатат. Анда 23 спорт түрү боюнча 246 медаль ойнотулууда. Кыргызстандан 126 катышуучу, анын ичинде 120 спортчу бар.

Катарда волейбол боюнча Кыргызстан курама командасында ОшМПУнун дене тарбия факультетинин дм-1-25 тайпасынын студенти Мелис Исмаилов да өз спорттук чеберчилигин сынап жатат. Машыктыруучусу — дене тарбия факультетинин окутуучусу Данияр Осмоналиев.

Окуу жай жамааты студентине ишеним артуу менен бирге ага ийгиликтерди каалайт. Бул оюндар жаш спортчулар үчүн тажрыйба топтоого, өлкөнүн, окуу жайдын атын дүйнөгө таанытууга зор мүмкүнчүлүк болуп саналат.