ОшМПУнун 100 жылдыгы белгиленип жатат

Бүгүн Ош мамлекеттик педагогикалык университети өзүнүн 100 жылдык мааракесин белгилеп жатат.

Анын урматына окуу жайда салтанаттуу азем уюштурулууда. Ага карата учурда көргөзмө коюлуп, конокторду тосуп алуу жүрүп жатат. Алдыда “Келечек үчүн билим берүү: 12 жылдык мектепке өтүүнүн илимий практикалык негиздери” аталышындагы Эл аралык илимий практикалык конференциясы өтөт.

Мааракени куттуктап жергиликтүү бийлик башчылары, министрлер, чет өлкөлөрдөн жана Ош шаарынан өнөктөш окуу жайлардын жетекчилери жана илимпоз-окумуштуулар катышууда.