Факультеттер аралык англис тили кафедрасы

Кафедранын тарыхы

2021-жылдын 25-январында Окумуштуулар кеңешинин №3 протоколунун негизинде Гуманитардык факультеттин кафедраларын оптималдаштыруу жөнүндө чечим кабыл алынган. Анын негизинде жаңы түзүм — «Факультеттер аралык англис тили кафедрасы» уюштурулган.

Кафедранын урааны:
«Тил үйрөнүү — дүйнөнү дагы бир башка терезе аркылуу көрүү».


Кафедранын максаты жана милдеттери

Максаты:
Адистиги англис тили болбогон студенттер үчүн чет тилин (англис тилин) сапаттуу деңгээлде окутууну камсыз кылуу.

Негизги милдеттери:

  • Окутуунун формаларын, методдорун жана мазмунун өркүндөтүү;

  • Окутуучулардын методикалык жана илимий компетенттүүлүгүн жогорулатуу;

  • Жамааттын чыгармачылык мүмкүнчүлүгүн өнүктүрүү үчүн ыңгайлуу шарттарды түзүү;

  • Негизги билим берүү программаларын ийгиликтүү ишке ашыруунун усулдук багытын өркүндөтүү;

  • Сабактарда заманбап технологияларды жана алдыңкы педагогикалык тажрыйбаларды пайдалануу;

  • Ички жана эл аралык байланыштарды кеңейтүү;

  • Сабактан тышкаркы предметтик жана илимий ийримдерди уюштуруу.


Окуу процессиндеги иш-аракеттер

  • Окуу процессин Кыргыз Республикасынын билим берүү мыйзамдарынын негизинде сапаттуу уюштуруу;

  • Практикалык сабактарда заманбап маалыматтык технологияларды активдүү колдонуу;

  • Окутуучулардын квалификациясын жогорулатуу жана электрондук окуу ресурстарды иштеп чыгуу;

  • Ар бир предмет боюнча англис тилинде окуу-методикалык комплекстерди (ОМК) түзүү;

  • Деканат, кураторлор жана ата-энелер менен үзгүлтүксүз байланышта иш алып баруу.


Илимий ишмердүүлүк

  • Окутуучулардын илимий потенциалын өнүктүрүү (магистратура, аспирантурага тапшыруу, илимий иштерди коргоо);

  • Кафедранын илимий багыттарын аныктоо жана жыйынтыктарды жыл сайын чыгарып туруу;

  • Илимий конференцияларга, семинарларга жана “Окуу-усулдук, илимий жана тарбиялык жумалыкка” активдүү катышуу;

  • Окутуучулардын жана студенттердин илимий эмгектерин басып чыгарууга көмөк көрсөтүү.


Тарбиялык иштер

  • Студенттерге руханий жана моралдык тарбия берүү максатында ар түрдүү иш-чараларды өткөрүү:
    “Ыйман, адеп жана ахлак”, “Сылыктык жана толеранттуулук”, “Биринчи байлык – ден соолук” ж.б.;

  • Коомдук-маданий жана кайрымдуулук иш-чараларга катышуу;

  • Карылар үйүнө жана балдар үйүнө жардам көрсөтүү акцияларын уюштуруу.


Кадрдык курамы жана өнүгүү багыты

  • Кафедра өз тармагын мыкты билген, чыгармачыл жана жаш адистер менен толукталууда;

  • “Насаатчы жана жаш окутуучу” принциби боюнча иш жүргүзүлөт;

  • Жамааттык рух, өз ара урмат жана колдоо атмосферасын калыптандыруу — кафедранын башкы баалуулугу.